DHVAJAROHAN : માંડવીના શ્રી અજીતનાથજી જૈન જિનાલય ની 144 ની વર્ષગાંઠ પ્રસંગે ધ્વજારોહણ નો કાર્યક્રમ ભક્તિભાવ પૂર્વક ઉજવાશે.
DHVAJAROHAN : માંડવીના બંદર રોડ ઉપર આવેલા શ્રી અજીતનાથજી જૈન જિનાલયની 144 મી વર્ષગાંઠ પ્રસંગે ધ્વજારોહણ નો કાર્યક્રમ સાધુ ભગવંતો અને સાધ્વીજી ભગવંતો ની પાવન નિશ્રામાં તા. 2/ 2 /2025 ને રવિવાર ના રોજ ભક્તિભાવ પૂર્વક ઉલ્લાસભેર ઉજવાશે.
DHVAJAROHAN : વિકસતા માંડવી શહેરના બંદર રોડ ઉપર શ્રી અજીતનાથજી પ્રભુજી નું જૈન જિનાલય આવેલું છે.સવંત 1937, મહા સુદ પાંચમ ને તા. 3 /2 /1881 ના રોજ આ જિનાલયની પ્રતિષ્ઠા થયેલ હતી. શેઠ શ્રી ઠાકરશી વેરશી પાસવીર (પીર) લોડાયા સુથરી( તા. અબડાસા) વાળાએ આ જિનાલય નું નિર્માણ કરાવેલ હતું. પરમ પૂજ્ય આચાર્ય ભગવંતશ્રી વિવેક સાગર સૂરીશ્વરજી મહારાજ સાહેબ ની શુભ નિશ્રામાં જિનાલય ની પ્રતિષ્ઠા થયેલ હતી.
DHVAJAROHAN : તા. 2/ 2 ને રવિવાર ના રોજ સવારના 8:30 કલાકે અઢાર અભિષેક અને સતરભેદી પૂજાનો શુભારંભ થશે.જ્યારે 11 વાગ્યે ધ્વજારોહણ નો ચડાવો તથા અન્ય ચડાવા બોલાવવામાં આવશે. બપોરે 1:15 કલાકે, કચ્છી દશા ઓસવાળ જૈન સંઘ, શ્રી સંઘોના બે- બે ટ્રસ્ટીઓ તથા અઢાર અભિષેક ના લાભાર્થી પરિવારોના બે-બે સભ્યો તથા આમંત્રિત મહેમાનોની સાધર્મિક ભક્તિનો કાર્યક્રમ રાખવામાં આવેલ છે.
DHVAJAROHAN : રવિવારની બપોરની સાધર્મિક ભક્તિનો લાભ દાતાશ્રી માતૃશ્રી લક્ષ્મીબેન વેલજી વેરશી લોડાયા પરિવાર,ગામ : આરીખાણા (તા. અબડાસા )હાલે મુલુંડ (મુંબઈ) હસ્તે: શ્રીમતી કલ્પનાબેન સોમચંદભાઈ લોડાયા ગામ આરીખાણા, હાલે :મુલુંડ ( મુંબઈ) એ લીધેલ છે જ્યારે રંગ મંડપના દાતા નો લાભ માતૃશ્રી ચંદનબેન ધનજીભાઈ પાસવીર મૈશેરી માંડવી, હાલે :ઘાટકોપર (મુંબઈ) હસ્તે: હિતેશભાઈ ધનજીભાઈ એ લીધેલ હોવાનું માંડવીના સામાજિક જૈન અગ્રણી દિનેશભાઈ શાહ અને માનવ જ્યોત ભુજ ના પ્રમુખ પ્રબોધભાઈ મુનવર ની સંયુક્ત અખબારી યાદીમાં જણાવ્યું છે.
DHVAJAROHAN : ધ્વજારોહણ ના પ્રસંગે વિધિકાર તરીકે પંડિત વર્ય સાગરભાઇ શાહ (ગામ :ડીસા) માંડવી પધારશે.જ્યારે સંગીતકાર તરીકે નિશાબેન સંઘવી એન્ડ પાર્ટી (માંડવી) સંગીત ની રમઝટ બોલાવશે.
સમગ્ર કાર્યક્રમને સુપેરે પાર પાડવા, શ્રી અજીતનાથજી જૈન દેરાસરજી ના તમામ ટ્રસ્ટીઓ જહેમત ઉઠાવી રહ્યા છે.
આ પણ વાંચો : SARVAJANIK SAMAJVADI : કચ્છ ની પ્રથમ સાર્વજનિક સમાજવાડી ની અંજાર મધ્યે ખાતમુર્હુત - પાયાવિધિ કરવામાં આવી
INDIAN SOCIOLOGIST
